უკრაინის პრეზიდენტის ვოლოდიმირ ზელენსკის განცხადებით, მიკოლაევში ომის განმავლობაში ერთ-ერთი ყველაზე სასტიკი დაბომბვის შედეგად, ოკუპანტებმა საცხოვრებელ სახლებს, სკოლებს, სოციალურ ინფრასტრუქტურასა და სამრეწველო ობიექტებს დაარტყეს.
ზელენსკის თქმით, რუს ტერორისტებს იმედი არ უნდა ჰქონდეთ, რომ შეძლებენ უკრაინის სოციალური და ინდუსტრიული პოტენციალის განადგურებას, რადგან უკრაინისა და უკრაინის მოქალაქეების საერთო შესაძლებლობები ნამდვილად უფრო ძლიერია, ვიდრე ნებისმიერი რუსული რაკეტა და ჭურვი. პრეზიდენტმა აღნიშნა, რომ რუსეთს ამ ომის მოგების შანსი არ აქვს და ახლა აუცილებელია პოზიციების შენარჩუნება ყველგან.
"გაამაგრეთ პოზიციები თავდაცვაში, დიპლომატიასა და პოლიტიკაში", - განაცხადა ზელენსკიმ.