ბათუმში, თამარის დასახლებაში, ცენტრალურ საავტომობილო გზაზე, მუნიციპალურ ავტობუსს სატვირთო ავტომობილი დაეჯახა.
როგორც სასწრაფო-სამედიცინო დახმარების ცენტრში „ინტერპრესნიუსს“ განუცხადეს, ავარიის შედეგად ექვსი ადამიანი ზედაპირული ტრავმებით კლინიკა „მედალფაში“ გადაიყვანეს. ექიმების თქმით, მათი მდგომარეობა სტაბილურია.
ადგილზე სამართალდამცავები იყვნენ მობილიზებული. ფაქტზე გამოძიება მიმდინარეობს.