"საბრალონი" ცნობილი ფრანგი მწერალის, პოეტის, დრამატურგისა და სახელმწიფო მოღვაწის ვიქტორ ჰიუგოს ისტორიული ჟანრის რომანია. მწერალი წიგნზე ოცი წლის განმავლობაში მუშაობდა და საბოლოოდ ის 1862 წელს გამომცემლობა A. Lacroix, Verboeckhoven & Ce.–ის მიერ ფრანგულ ენაზე გამოიცა.
რომანი გადმოსცემს მე-19 საუკუნის დასაწყისის საფრანგეთში მიმდინარე მოვლენებს. სიუჟეტი ვითარდება მთავარი გმირის ჟან ვალჟანის ირგვლივ, რომელიც ღარიბი ბავშვების დასაპურებლად საფუნთუშედან პურს მოიპარავს, რისგამოც დაუნდობელი პოლიციის ინსპექტორი ჟავერი, ვალჟანს კატორღაში 19 წელით განამწესებს. მთავარი გმირი პატიმრობის ვადის სრულად მოხდის შემდეგ უბრუნდება საზოგადოებას, რომელიც მას მტრულად განწყობილი ხვდება. გამონაკლისად გვევლინება ეპისკოპოსი ბენვენიუ, რომლის უანგარო სიკეთეც მასში სულიერი გარდატეხას ახდენს.
ჟანმა ყველა ხილული თუ უხილავი წინააღმდეგობის მიუხედავად, ისევ შეძლო ადამიანობისა და სიკეთის სამსახურში ჩადგომა. მოგვიანებით, მადლენის გვარით იგი ერთ-ერთ პატარა ქალაქში გადასახლდება და საქველმოქმედო საქმიანობას მიჰყოფს ხელს. ძია მადლენი ყველას უყვარდება და მას ქალაქის მერადაც კი ირჩევენ.
ვიქტორ-მარი ჰიუგო 1802 წლის 26 თებერვალს პარიზში დაიბადა. ის ჭაბუკობიდანვე დიდი ამბიციებითა და თვითდაჯერებულობით გამოირჩეოდა. ჰიუგომ 15 წლის ასაკში საფრანგეთის აკადემიისგან მიიღო პირველი ჯილდო, ხოლო 1841 წელს იგი თავად აირჩიეს აკადემიის წევრად. პირველი რომანი "ბუგ-ჟარგალი" მან 16 წლისამ დაწერა, ხოლო ბოლო "ოთხმოცდაცამეტი წელი" კი 72 წლის ასაკში. მის კალამს ეკუთვნის ისეთი ცნობილი რომანები, როგორებიცაა: პარიზის ღვთისმშობლის ტაძარი, სიკვდილმისჯილის უკანასკნელი დღე, კაცი, რომელიც იცინის და სხვა.
"საბრალონის" დაახლოებით 19-მდე ეკრანიზაცია არსებობს. მაგრამ ერთ-ერთი ყველაზე გამორჩეული და წარმატებული ეკრანიზაცია კომპანია უნივერსალ ფიქჩერისა და ბრიტანელი რეჟისორის ტომ ჰუპერის გადაღებული დრამატული მიუზიკლია უცვლელი სახელწოდებით, სადაც მთავარ როლს ყველასთვის კარგად ნაცნობი მსახიობები, ჰიუ ჯეკმანი, რასელ ქროუ, ენ ჰეტევეი და ედი რედმეინი ასრულებენ. 2013 წელს ფილმი ნომინირებული იყო ოსკარის 8 ნომინაციაზე და აქედან 3-ის მფლობელი გახდა.
წიგნი ქართულ ენაზე ითარგმნა და გამოიცა 2020 წელს გამომცემლობა "პალიტრა ელის" მიერ და ამ დროიდან ხელმისაწვდომია "ბიბლუსის" მაღაზიათა ქსელსა და პალიტრა ელის ვებგვერდზე palitral.ge