საბერძნეთში ჩატარებული საპარალამენტო არჩევნების წინასწარი შედეგების თანახმად, არჩევნებში კონსერვატორი პრემიერ-მინისტრის, კირიაკოს მიცოტაკისის პარტია „ახალი დემოკრატია“ ლიდერობს.
Reuters-ის ინფორმაციით, თითქმის ყველა ბიულეტენი უკვე დათვლილია და წინასწარი შედეგების თანახმად, პარტიამ, „ახალი დემოკრატია“, ხმების 40.8%, მისმა მთავარმა კონკურენტმა - მემარცხენე პარტია „სირიზამ“ კი - 20.1% მოიპოვა.
ამასთან, პრემიერის პარტიამ პარლამენტში უმრავლესობის მოპოვებისთვის საჭირო რაოდენობის ხმები ვერ მიიღო. დღეიდან, საბერძნეთის პრეზიდენტი კატერინა საკელაროპულუ, არჩევნების შედეგების მიხედვით პირველ სამ ადგილზე გასულ პარტიებს - „ახალ დემოკრატიას“, „სირიზასა“ და სოციალისტურ „პასოკს“ - სამ დღეს მისცემს კოალიციური მთავრობის შესაქმნელად.
თუ კოალიციის შექმნას ვერცერთი მათგანი მოახერხებს, პრეზიდენტი დროებით მთავრობას დანიშნავს, რომელიც დაახლოებით ერთი თვის შემდეგ, ახალ არჩევნებს მოამზადებს.