დიაბეტის მქონე პაციენტებში თვალების დაავადებები 25-ჯერ უფრო ხშირად გვხვდება, ვიდრე ზოგადად პოპულაციაში. შაქრიან დიაბეტმა შეიძლება დააზიანოს როგორც თვალის ფსკერი, ასევე თვალის ბროლი და თვალის ქუთუთოები. ხშირია გლაუკომის განვითარება. დიაბეტის დროს თვალის ფსკერის დაზიანებას – დიაბეტური რეტინოპათია ეწოდება.
დიაბეტური რეტინოპათია მხედველობის დაქვეითების და სიბრმავის ერთ-ერთი ყველაზე ხშირი მიზეზია მსოფლიოში.
ბადურა თვალის მთავარი ორგანოა და მისი დაზიანება იწვევს მხედველობის შეუქცევად დაქვეითებას. პათოლოგიური პროცესი ბადურაში უმეტესად პაციენტისთვის უსიმპტომოდ -„ჩუმად“ ვითარდება. ეს თვისება განაპირობებს დიაბეტით დაავადებულ პაციენტთა „დაგვიანებულ“ მიმართვას თვალის ექიმთან.
ამიტომაც დიაბეტის პირველივე აღმოჩენის დროს, დიაბეტის ტიპის, სიმძიმის და სისხლში გლიუკოზის დონის მიუხედევად, პაციენტმა უნდა დაიწყოს თვალის რეგულარული შემოწმება.