საკანონმდებლო ორგანოში პლენარული სხდომის დაწყებისას დეპუტატებმა რუსი ოკუპანტების მიერ მოკლული თამაზ გინტურის ხსოვნას წუთიერი დუმილით პატივი მიაგეს. ამის შემდეგ კი დეპუტატების მხრიდან ტრადიციული პოლიტიკური განცხადებები გაკეთდა. როგორც მმართველი გუნდის, ასევე ოპოზიციის წარმომადგენლებისგან რამდენიმე მნიშვნელოვან საკითხზე გამახვილდა ყურადღება, თუმცა ძირითადი ნაწილი სწორედ ევროკომისიის დასკვნასა და დამატებითი დათქმების შესრულებას დაეთმო.