რა ქიმიურ საშუალებებს იყენებდა შინაგან საქმეთა სამინისტრო დემონსტრანტების წინააღმდეგ გასული წლის ნოემბერ-დეკემბერში გამართულ საპროტესტო აქციებზე? - როგორც საქართველოს ახალგაზრდა იურისტთა ასოციაციაში აცხადებენ, ამის შესახებ ინფორმაცია ამ დრომდე უცნობია. საიაში ამბობენ, რომ ინფორმაციის გამოთხოვის მიზნით, შინაგან საქმეთა სამინისტროს გარდა ჯანდაცვის სამინისტროსაც მიმართეს, თუმცა უწყებებისგან პასუხი არ მიუღიათ.