აშშ-ს კონგრესი ,,მეგობარი აქტის" მორიგი განხილვისთვის ემზადება. ორპარტიული კანონპროექტი, საქართველოს მოსახლეობისთვის გარკვეულ სიკეთეებთან ერთად, ქართული ოცნების ლიდერების დასანქცირებას გულისხმობს. ოპოზიცია დარწმუნებულია, რომ ოცნების ანტიდასავლური პოლიტიკის საპასუხოდ, სენატი კანონპროექტს საბოლოოდ დაამტკიცებს. გახარია-საქართველოსთვის გუნდის წევრი ზვიად ძიძიგური ოფიციალურ ვაშინგტონში კანონპროექტის მიღების პროცედურებს განმარტავს და ამბობს, რომ ბიუროკრატიის მიუხედავად, მეგობარი აქტი საქართველოს ხელისუფლების წინააღმდეგ საბოლოოდ ამოქმედდება.