აშშ-ის წარმომადგენელთა პალატაში დამტკიცების შემდეგ „MEGOBARI აქტი“ ოფიციალურად სენატს გადაეცა. ვიდრე, დოკუმენტს ზედა პალატაში განიხილავენ, პოლიტიკური მხარეები “MEGOBARI აქტის” ფარგლებში დასასანქცირებელ ქართველ პირთა სიაზე საუბრობენ, რომელიც კონგრესმენმა ჯო უილსონმა გამოაქვეყნა. ოპოზიციაში აღნიშნავენ, რომ თუ ,,ქართული ოცნება’’ დათმობაზე არ წავა, სანქციების მასშტაბი გაიზრდება. თავის მხრივ, მმართველი გუნდი დოკუმენტს მტრულ აქტს უწოდებს, კანონპროექტის მიღების უკან კი დიფ სთეითის გავლენებს ხედავენ.