„ქართულმა ოცნებამ“ მეორე მოსმენით პლენარულ სხდომაზე უკვე მიოღო საერთო სასამართლოების შესახებ კანონის ცვლილებები, რომელიც, სხვა საკითხებთან ერთად, მედიის მიერ სასამართლო სხდომების გაშუქების შეზღუდვას ეხება. ცვლილებების მიღების შემდეგ სასამართლო სხდომების გაშუქება - სასამართლოს ეზოსა და დერეფნებში აუდიო, ვიდეო და ფოტო გადაღება იზღუდება. ოპოზიცია ამ ცვლილებებს მედიის შეზღუდვის მორიგ მცდელობად და ანტიდემოკრატიულ ნაბიჯად აფასებს, თუმცა საპირისპირო მოსაზრება აქვთ მმართველ პარტიაში.