დღეს, ოფიციალურად ძალაში შევიდა „ქართული ოცნების“ მიერ პარლამენტში დაჩქარებული წესით მიღებული ახალი ცვლილებები, რომელთა თანახმადაც სასამართლოში იზღუდება გადაღება - ვიდეო, ფოტო, თუ აუდიოჩაწერა, ასევე ტრანსლაცია, დასაშვები იქნება არა მოსამართლის, არამედ იუსტიციის საბჭოს გადაწყვეტილებით. ამასთანავე, მოსამართლის „უპატივცემულობა“ საქართველოს სისხლის სამართლის კოდექსით დაისჯება და დაისჯება ჯარიმით ან საზოგადოებისათვის სასარგებლო შრომით ვადით 180-დან 240 საათამდე ანდა თავისუფლების აღკვეთით ვადით 1-თ წლამდე. ამასთანავე, ცილისწამებაზე რეგულაცია და სიტყვისა და გამოხატვის თავისუფლების კანონიც შეიცვალა შეიცვალა. აღსანიშნავია ისიც, რომ მოსამართლეთა ანაზღაურება ორჯერ და მეტად გაიზარდა. თუკი აქამდე მოსამართლეების ხელფასები ფიქსირებული იყო, ახალი კანონით ე.წ. ყოველწლიურ საბაზისო ხელფასსა და კანონით გათვალისწინებულ კოეფიციენტს მიება.