დაკავებული 10-მდე პოლიტიკური ლიდერი და მზადება ოქტომბრის ადგილობრივი არჩევნებისთვის. ოპოზიციური პარტიების ნაწილი კვლავ ფიქრობს რომ ვიდრე „ქართული ოცნება“ პოლიტიკურ ოპონენტებს დევნის და ქვეყანაში რეპრესიებს აგრძელებს, თვითმართველობის არჩევნებში მონაწილეობას არავითარი აზრი არ აქვს. კვლავ განსხვავებულია ოპოზიციის მეორე ნაწილის პოზიცია. ამბობენ რომ აუცილებელია პროტესტის მასშტაბის გაფართოება და არჩევნებში გამარჯვებისთვის ბოლომდე ბრძოლა. ფიქრობენ რომ ქვეყანაში დღეს შექმნილი ვითარების ფონზე, ოპოზიციამ ხელსუფლების შეცვლის ყველა შესაძლებლობა უნდა გამოიყენოს.