საქართველოში ამერიკის შეერთებული შტატების ელჩის განცხადებით, ხელისუფლების წარმომადგენლების შეხედულებებისგან განსხვავებული მოსაზრებების მქონე პიროვნებები, მათ შორის, სამოქალაქო საზოგადოების წარმომადგენლები კანონის უზენაესობის, თავისუფალი მედიის და თავისუფალი და სამართლიანი არჩევნების ხელშეწყობისთვის სამიზნედ იქცნენ. აშშ-ის დამოუკიდებლობის დღისადმი მიძღვნილ ღონისძიებაზე სიტყვით გამოსვლისას, დანიგანმა აღნიშნა, რომ საქართველოში პროფესიული საქმიანობის დაწყების პირველივე დღიდან აფასებს იმ ძალისხმევას, რომელსაც ქართველები დემოკრატიის დასაცავად აკეთებენ.