გავრცელებული ინფორმაციით, აგია ფოტიას დასახლებაში სახლები და გასაქირავებელი ფართები განადგურებული, ელექტროენერგიის მიწოდება კი შეფერხებულია. კვამლის შესუნთქვით გამოწვეული სუნთქვის პრობლემებით საავადმყოფოში სულ მცირე 4 ხანდაზმული ადამიანი გადაიყვანეს. სიფრთხილის ზომების მიზნით, კრეტაზე ყველა საავადმყოფო საგანგებო რეჟიმში მუშაობს. ისრაელი “ჰამასს” მძევლების გათავისუფლებისკენ მოუწოდებს - ქვეყნის საგარეო საქმეთა მინისტრი ღაზის სექტორში მიმდინარე ომის დასრულებას იმ შემთხვევაში ვარაუდობს, თუ “ჰამასი” იარაღს დაყრის და ისრაელის მთავარ მოთხოვნას შეასრულებს. ისრაელის საგარეო უწყების ხელმძღვანელის თქმით, “ჰამასს“ 50 მძევალი კვლავ სასტიკი ტყვეობის ქვეშ ჰყავს. მისივე მტკიცებით, ისრაელი მძევლების გათავისუფლებისა და ცეცხლის შეწყვეტის შეთანხმების მიღწევისადმი სერიოზულად არის განწყობილი.