პარლამენტის დროებით საგამოძიებო კომისიაზე გამოუცხადებლობის ფაქტზე, რვავე ოპოზიციონერი პოლიტიკოსის განაჩენი უკვე ცნობილია. პოლიტიკური სუბიექტები პროცესს რეპრესიებად აფასებენ და მიიჩნევენ, რომ ქართული ოცნება, საგამოძიებო კომისიას იყენებს, როგორც ბერკეტს, რათა განსხვავებული აზრი ჩაახშოს. ამავდროულად, პროკურატურა სოფელ ჩორჩანაში საგუშაგოს ჩადგმის საკითხს იძიებს. ამ კონტექსტში, ხელისუფლების ოპონენტები არ გამორიცხავენ, ,,გახარია საქართველოსთვის’’ ლიდერი, გიორგი გახარია საპატიმროში აღმოჩნდეს.