საპროტესტო აქციების 1 წელი - 28 ნოემბერს, 19 საათზე აქცია-მსვლელობას ოპოზიციური პოლიტიკური პარტიები, აქტივისტები და სხვადასხვა სფეროს წარმომადგენლები უერთდებიან. ,,გამარჯვების მარში’’ - ამ იდეითა და ლოზუნგით, მოქალაქეები დედაქალაქის სხვადასხვა ლოკაციაზე შეკრებას გეგმავენ. მარშები თბილისის სახელმწიფო უნივერსიტეტიდან და საზოგადოებრივი მაუწყებლის შენობის მიმდებარე ტერიტორიიდან, საბოლოოდ, რუსთაველის გამზირზე გაერთიანდებიან. დემონსტრანტების თქმით, სიმბოლურმა აქციამ ახალ გეგმას უნდა ჩაუყაროს საფუძველი და გამოკვეთოს, როგორ გაგრძელდება პროტესტი. რას ამბობენ ორგანიზატორები და როგორია აქციის დღის წესრიგი?