რა ეტაპზეა მოლაპარაკებების პროცესი და როგორია მხარეთა პოზიციები დონალდ ტრამპის სამშვიდობო გეგმასთან დაკავშირებით?! - რუსეთ-უკრაინის ომის დასრულების შესახებ ტრამპის მოლოდინები ოპტიმისტურია. როგორც დონალდ ტრამპი აცხადებს, გეგმა დაიხვეწა, მხარეების უთანხმოებას კი მხოლოდ რამდენიმე პუნქტი იწვევს. დიალოგზე მზაობას აცხადებს, როგორც მოსკოვი, ისე კიევი, თუმცა რუსული მხარე დათმობებზე საუბარს გამორიცხავს, უკრაინა კი იმედს გამოთქვამს, რომ საბოლოო შედეგი, უკრაინელებისთვის მხოლოდ სასარგებლო აღმოჩნდება. ამ მოტივით, ვოლოდიმირ ზელენსკი ევროპული სახელმწიფოების ჩართულობას მიესალმება, დონალდ ტრამპთან კი შეხვედრის სურვილს ადასტურებს. როგორც ცნობილია, ევროპა ტრამპის გეგმის მიმართ კრიტიკულია. დასავლურმა სახელმწიფოებმა შეცვლილი პუნქტები წარმოადგინეს. რა შეიცვალა პირვანდელ გეგმაში და როგორია მხარეთა პოზიციები?!