„ძლიერი საქართველო-ლელოს“ ერთ-ერთ ლიდერს, ალეკო ელისაშვილს ბრალი გადაუკვალიფიცირეს - დაკავებულ პოლიტიკოსს ბრალი ტერორისტული აქტის ჩადენის მცდელობის ფაქტზე წარედგინა, რაც სასჯელის სახედ და ზომად 10-დან 15 წლამდე თავისუფლების აღკვეთას ითვალისწინებს. ელისაშვილის ადვოკატი აცხადებს, რომ მისი დაცვის ქვეშ მყოფი ქმედებას აღიარებს, თუმცა ტერორიზმის მუხლით წარდგენილ ბრალდებას არ ეთანხმება.