შინაგან საქმეთა სამინისტროს გენერალურმა ინსპექციამ მერქნიანი მცენარის უკანონო გაჩეხვისა და ხე-ტყის უკანონო დამზადების ბრალდებით საგანგებო სიტუაციების მართვის სამსახურის თანამშრომელი დააკავა. გამოძიებით დადგინდა, რომ ქობულეთის მუნიციპალიტეტის ტერიტორიაზე, სოფელ ცეცხლაურში, ქარსაცავ ზოლში, ხელვაჩაურის სახანძრო-სამაშველო განყოფილების ცვლის მეთაურმა უკანონოდ გაჩეხა და დაამზადა კრიპტომერიის ჯიშის ხე-მცენარე, რითაც გარემოს მნიშვნელოვანი ზიანი მიაყენა. დანაშაული 3 წლამდე ვადით თავისუფლების აღკვეთას ითვალისწინებს.