აშშ-სა და უკრაინის პრეზიდენტებს, დონალდ ტრამპსა და ვოლოდიმირ ზელენსკის შორის შეხვედრა კიევის დროით 20:00 საათზე (თბილისის დროით 22:00 საათზე) გაიმართება, - ინფორმაციას უკრაინული მედია თეთრ სახლზე დაყრდნობით ავრცელებს.
თეთრი სახლის განრიგის მიხედვით, აშშ-ის პრეზიდენტი უკრაინელ კოლეგასთან ორმხრივ შეხვედრაში მონაწილეობას ადგილობრივი დროით 13:00 საათზე მიიღებს.
პრეზიდენტებს შორის შეხვედრა ფლორიდის შტატის ქალაქ პალმ-ბიჩში გაიმართება.
უკრაინული მედიის ცნობით, ქვეყნის დელეგაცია უკვე შეერთებულ შტატებშია. ვოლოდიმირ ზელენსკის ინფორმაციით, უკრაინის დელეგაციის შემადგენლობაში შედიან: ეროვნული უსაფრთხოებისა და თავდაცვის საბჭოს მდივანი რუსტემ უმეროვი, ეკონომიკის მინისტრი ალექსეი სობოლევი, უკრაინის შეიარაღებული ძალების გენერალური შტაბის უფროსი ანდრეი ჰნატოვი, პრეზიდენტის ადმინისტრაციის უფროსის მრჩეველი ალექსანდრ ბევზი და საგარეო საქმეთა მინისტრის პირველი მოადგილე სერგეი კისლიცა.