შეიწყალებს თუ არა ნათლისღების დღესასწაულზე გასულ წელს საპროტესტო აქციებზე დაკავებულ დემონსტრანტებს მიხეილ ყაველაშვილი? ოპოზიციაში ამბობენ, რომ „ქართული ოცნებისგან“ ამ ჰუმანურ აქტს არ ელოდებიან და ამატებენ იმასაც, რომ გათავისუფლების შემთხვევაში, დაკავებული მომიტინგეები ბრძოლას აუცილებლად გააგრძელებენ. რაც შეეხება ხელისუფლებას, მმართველი პარტიის ლიდერები განმარტავენ, რომ დაკავებული დემონსტრანტების ბრალი იმდენად მძიმეა, რომ შეწყალებაზე საუბარი იქამდე არ იქნება, ვიდრე დაკავებული მოქალაქეები დანაშაულს არ აღიარებენ.