დიღმის მასივში, ლუბლიანას ქუჩაზე მდებარე ავტომობილების სახელოსნოს ტერიტორიაზე ხანძარი გაჩნდა. შემთხვევას ძლიერი აფეთქების ხმა ახლდა. არსებული ინფორმაციით, შემთხვევის შედეგად არავინ დაშავებულა.
ცეცხლის ლოკალიზება და სრული ჩაქრობა მეხანძრე-მაშველებმა დაახლოებით ერთ საათში შეძლეს. ხანძრის შედეგად მთლიანობაში დაახლოებით 400 კვადრატული მეტრი ფართობი დაიწვა.
ცეცხლის გაჩენის მიზეზი ამ დროისთვის უცნობია და მიმდინარეობს გამოძიება.