“ქართული ოცნება“ BBC-სგან ბოდიშს ელის - საქმე ეხება იმ დოკუმენტურ მასალას, რომელშიც აღწერილია თბილისში გამართულ საპროტესტო აქციებზე პოლიციის მიერ ე.წ. „კამიტის“ შესაძლო გამოყენების ფაქტი. „ქართული ოცნება“ საკუთარი საჩივრით ბრიტანული მაუწყებლისგან აღნიშნული მასალის ყველა პლატფორმიდან წაშლასაც ითხოვს. ოპოზიციაში „ქართული ოცნების“ საჩივარს არასერიოზულს უწოდებენ და განმარტავენ, რომ საქართველოში სუს-ის მიერ ჩატარებული 5-დღიანი გამოძიება ფორმალობას წარმოადგენდა. გარდა ამისა, ამ საქმის გამოძიების მოთხოვნით რამდენიმე ოპოზიციურმა პარტიამ და არასამთავრობო ორგანიზაციამ საერთაშორისო ორგანიზაციებს მიმართეს.