გრენლანდია მის ხალხს ეკუთვნის, არანაირი მუქარები ან ტარიფები არ შეცვლის ამას, ჩვენი პასუხი უნდა იყოს სიმშვიდის შენარჩუნება, ჩვენი პოზიციის დაცვა და ერთიანი მოქმედება , - ამის შესახებ ევროკავშირის უმაღლესმა წარმომადგენელმა, კაია კალასმა ევროპარლამენტში გამოსვლისას განაცხადა.
კალასმა ისაუბრა გრენდლანდიის სტრატეგიულ მნიშნველობაზე და განაცხადა, რომ ევროკავშირი გვერდში უდგას გრენლანდიას და დანიის სამეფოს ტერიტორიული მთლიანობისა და სუვერენიტეტის დაცვაში.
“გრენლანდია სტრატეგიულად მნიშვნელოვანია, ეს საიდუმლო არ არის. მის მახლობლად საკვანძო წყალქვეშა მარშრუტებია და მის ქვემოთ კრიტიკულად მნიშვნელოვანი ნედლეული, რომელიც მნიშვნელოვანია მსოფლიო ეკონომიკისთვის.
საშუალება მომეცით ცხადად ვთქვა: გრენლანდია მის ხალხს ეკუთვნის. არანაირი მუქარები ან ტარიფები არ შეცვლის ამას. სუვერენიტეტით არ ვაჭრობენ. ევროკავშირი ეჭვების გარეშე უდგას გვერდში გრენლანდიას და დანიის სამეფოს თავიანთი ტერიტორიული მთლიანობისა და სუვერენიტეტის დაცვაში.
პრეზიდენტი ტრამპის მიერ შაბათს გაკეთებული განცხადებები ვითარებას ქმნის, რომლის გამოცდილებაც აქამდე არ გვქონია. ჩვენი პასუხი უნდა იყოს სიმშვიდის შენარჩუნება, ჩვენი პოზიციის დაცვა და ერთიანი მოქმედება”, - განაცხადა კალასმა.