შინაგან საქმეთა სამინისტროს ინფორმაციით, მარნეულში პოლიციამ თავისუფლების უკანონო აღკვეთის ბრალდებით ორი პირი დააკავა. გამოძიების მიხედვით, ერთ-ერთმა ბრალდებულმა არასრულწლოვანს ცოლად შერთვის მიზნით თავისუფლება უკანონოდ აღუკვეთა, დანაშაულებრივ ქმედებაში კი მეორე დაკავებულიც მონაწილეობდა.
სამართალდამცველებმა ორივე პირი დანაშაულის ჩადენიდან მალევე, ცხელ კვალზე დააკავეს. გამოძიება სისხლის სამართლის კოდექსის 143-ე მუხლით მიმდინარეობს, რაც ოთხ წლამდე ვადით თავისუფლების აღკვეთას ითვალისწინებს.