ევროკავშირმა და ინდოეთმა თავისუფალი ვაჭრობის შესახებ შეთანხმება გააფორმეს. ევროკავშირის უმაღლესი წარმომადგენლის, კაია კალასის განცხადებით, როდესაც ორი დიდი დემოკრატია ერთად მოქმედებს, საერთო უსაფრთხოება ძლიერდება.
ევროკომისიის ინფორმაციით, შეთანხმება 2032 წლისთვის ინდოეთში ევროკავშირის საქონლის ექსპორტს გააორმაგებს. ტარიფების 96.6%-ის გაუქმება ან შემცირება ევროპულ კომპანიებს წელიწადში დაახლოებით 4 მილიარდი ევროს დაზოგვის საშუალებას მისცემს.