საქართველო აშშ-სთან ურთიერთობების გადატვირთვისა და სტრატეგიული პარტნიორობის გაძლიერების მზადყოფნას კიდევ ერთხელ ადასტურებს - ამის შესახებ საქართველოს ხელისუფლების წარმომადგენლები აცხადებენ. ამასთანვე, ეს პოზიცია გამოითქვა შეხვედრაზე, რომელიც საქართველოს ელჩმა ვაშინგტონში აშშ-ის სახელმწიფო დეპარტამენტის წარმომადგენლებთან ჩაატარა. განხილვის მთავარი თემები იყო ორმხრივი ურთიერთობები, რეგიონში საქართველოს როლი და შუა დერეფნის პოტენციალი. მხარეებმა ისაუბრეს საერთაშორისო პროცესებსა და რეგიონში მშვიდობის მნიშვნელობაზე. კიდევ რაზე ისაუბრეს ქართულმა და ამერიკულმა მხარეებმა და როგორ აფასებენ ამ პროცესს თბილისში?