ვიდრე ევროპარლამენტში ქართული ოცნებისთვის სანქციების დაწესების აუცილებლობაზე მსჯელობენ, იქამდე, დიდმა ბრიტანეთმა უკვე დაასანქცირა ორი მედიასაშუალება. ბრიტანეთი ორ ქართულ ტელეარხს უკრაინის ომთან დაკავშირებით დეზინფორმაციის გავრცელებაში ადანაშაულებს. ეკონომისტები და მედიაექსპერტები ვარაუდობენ, რომ სანქციები სერიოზულ ფინანსურ ზიანს გამოიწვევს. ოპოზიციისთვის გადაწყვეტილება ლოგიკური და დროულია, თუმცა მმართველი პარტიისთვის მედიასაშაულებების სანქცირება მედიის საქმიანობის შეზღუდვად და ქვეყნის შიდა პოლიტიკაში ჩარევად ფასდება.