ჟენევაში აშშ-ისა და ირანს შორის მოლაპარაკებების მესამე რაუნდი მიმდინარეობს. ირანის დელეგაციას ქვეყნის საგარეო საქმეთა მინისტრი აბას არაღჩი ხელმძღვანელობს, ხოლო ამერიკულ მხარეს აშშ-ის პრეზიდენტის წარმომადგენლები, სტივ უიტკოფი და ჯარედ კუშნერი წარმოადგენენ.მხარეებს შორის მოლაპარაკებები არაპირდაპირ ფორმატში, ომანის საგარეო საქმეთა მინისტრის შუამავლობით მიმდინარეობს. გავრცელებული ინფორმაციით, დღეს მხარეები მხოლოდ ბირთვულ საკითხს განიხილავენ.ირანი სანქციების მოხსნასა და ბირთვული ენერგიის მშვიდობიანი მიზნით გამოყენებას ითხოვს. ირანთან მოლაპარაკებების დასრულების შემდეგ აშშ-ის წარმომადგენლები უკრაინის ეროვნული უსაფრთხოებისა და თავდაცვის საბჭოს მდივანს, რუსტემ უმეროვს შეხვდებიან.