გაერთიანებული სამეფოს პარლამენტის ქვედა პალატის საგარეო საქმეთა კომიტეტი აქვეყნებს ანგარიშს, რომელშიც აღნიშნულია, რომ საქართველოში მიმდინარე პოლიტიკური პროცესი რუსეთის გავლენასთან არის დაკავშირებული და დემოკრატიის გაუარესებაზე მიუთითებს.
დოკუმენტის თანახმად, ბრიტანეთი და ევროკავშირი მხარს უჭერენ საქართველოს დასავლურ კურსს, მაშინ როცა რუსეთი აქტიურად ცდილობს ქვეყნის ევროატლანტიკური ინტეგრაციის შეჩერებასა და ოკუპირებულ რეგიონებს მხარს უჭერს.
ამასთანავე, ანგარიშში ნახსენებია 2024 წლის საპარლამენტო არჩევნები - დოკუმენტი მიუთითებს, რომ საარჩევნო პროცესზე გავლენა იქონია კოორდინირებულმა დეზინფორმაციულმა კამპანიამ, რომელიც რუსულ მეთოდებს ეყრდნობოდა.
ანგარიშში ასევე საუბარია ევროკავშირთან მოლაპარაკებების შეჩერებაზე, მედიისა და სამოქალაქო სექტორის შეზღუდვაზე და ანტიდასავლური რიტორიკის გაძლიერებაზე. კომიტეტი გამოხატავს შეშფოთებას, რომ ეს პროცესები ქვეყანას ავტორიტარული მმართველობისკენ მიჰყავს და სანქციების გაფართოებას საჭიროდ მიიჩნევს.