აშშ-ის პრეზიდენტმა დონალდ ტრამპმა გაერთიანებული სამეფოს პრემიერ -მინისტრი კირ სტარმერი ირანის წინააღმდეგ ომში ჩართვაზე უარის თქმის გამო კიდევ ერთხელ გააკრიტიკა და განაცხადა, რომ სამეფო სამხედრო-საზღვაო ძალები ამ ამოცანისთვის მზად არ არის.
„სამხედრო-საზღვაო ძალებიც კი არ გყავთ. ძალიან მოძველებულები ხართ და გყავდათ ავიამზიდები, რომლებიც არ მუშაობდნენ“, - განაცხადა ტრამპმა ბრიტანეთის სამხედრო-საზღვაო ძალებზე საუბრისას.
კითხვაზე, უნდა დახარჯოს თუ არა გაერთიანებული სამეფოს პრემიერ-მინისტრმა უფრო მეტი ქვეყნის თავდაცვაზე, ვიდრე ახლა ხარჯავს ტრამპმა უპასუხა: „არ ვაპირებ ვუთხრა მას, რა გააკეთოს“.
„შეუძლია გააკეთოს ის, რაც სურს. არ აქვს მნიშვნელობა. სტარმერს მხოლოდ ძვირადღირებული ქარის წისქვილები სურს, რომლებიც ელექტროენერგიის ფასებს ძალიან მაღლა აწევს“, - აღნიშნა ტრამპმა.