ეუთოს „მოსკოვის მექანიზმის“ ფარგლებში საქართველოს შესახებ მომზადებული ანგარიში, რომელიც ეუთოს მექანიზმის ექსპერტმა, პატრიცია გრჟებიკმა, მოამზადა, პოლიტიკური შეფასებების თემაა. ანგარიშის ავტორი ამტკიცებს, რომ დოკუმენტი დამოუკიდებლად და ობიექტურად შეადგინა, მუშაობა დაიწყო ჯერ კიდევ ოფიციალური ვიზიტის დაწყებამდე და ორი კვირის განმავლობაში ინტენსიურად, მუშაობდა რათა მაქსიმალურად სრულყოფილად აესახა სხვადასხვა წყაროდან მიღებული ინფორმაცია, მათ შორის ხელისუფლების პოზიციაც. მმართველი გუნდის წარმომადგენლები ანგარიშს აკრიტიკებენ. უმრავლესობის წევრების შეფასებით, დოკუმენტში თითქმის არ ჩანს ხელისუფლების არგუმენტები და გამოყენებულია ინფორმაცია იმ ჯგუფებისგან, რომლებსაც რადიკალური ინტერესები გააჩნიათ. რამდენად შეესაბამება ანგარიში საქართველოში არსებულ რეალურ ვითარებას და რა გავლენას მოახდენს როგორც ქვეყნის შიდა პოლიტიკურ პროცესებზე, ასევე საერთაშორისო ურთიერთობებზე?