ვაშინგტონი და თეირანი 10-დღიან ცეცხლის შეწყვეტაზე შეთანხმდნენ - ეს ბოლო პერიოდში რეგიონში დაძაბულობის დეესკალაციისკენ გადადგმული პირველი ნაბიჯია. ირანის საგარეო უწყების ხელმძღვანელი, აბას არაღჩი, საბრძოლო მოქმედებების შეჩერებას მხოლოდ იმ შემთხვევაში განიხილავს, თუ მათ წინააღმდეგ თავდასხმები სრულად შეწყდება. მიუხედავად ამისა, თეირანი ხაზგასმით აღნიშნავს, რომ ეს ზავი ომის საბოლოო დამთავრებას არ გულისხმობს. მოლაპარაკებების გაგრძელება ისლამაბადში პარასკევიდან იგეგმება. დონალდ ტრამპის განმარტებით, ირანული მხარის მიერ წარდგენილი 10-პუნქტიანი გეგმა დიალოგისთვის კარგ საფუძველს წარმოადგენს. აღნიშნული დოკუმენტი ჰორმუზის სრუტის გახსნას, ირანისთვის მიყენებული ზარალის ანაზღაურებასა და რეგიონული კონფლიქტების დასრულებას ითვალისწინებს. ამასთანავე, თეირანი პირობას დებს, რომ ბირთვული იარაღის შექმნას აღარ ეცდება.