პრემიერ-მინისტრ ირაკლი კობახიძის განცხადებით, თანამედროვე საქართველოს განვითარებაში ბიძინა ივანიშვილის როლი გამორჩეულია.
მთავრობის ადმინისტრაციაში გამართულ ბრიფინგზე პრემიერის გამოსვლის მნიშვნელოვანი ნაწილი „ქართული ოცნების“ საპატიო თავმჯდომარის საქმიანობას დაეთმო. კობახიძის შეფასებით, 2012 წელს საზოგადოებამ ივანიშვილს ნდობა გამოუცხადა, რადგან მასში ქვეყნის განვითარების ხედვა და პასუხისმგებლობა დაინახა.
მთავრობის მეთაური მიიჩნევს, რომ სწორედ ამ პოლიტიკურმა პროცესმა შექმნა საფუძველი იმ ცვლილებებისთვის, რომლებმაც ქვეყნის განვითარებაზე მნიშვნელოვანი გავლენა მოახდინა.