ერაყის დედაქალაქ ბაღდადში თვითმკვლელი ტერორისტების მიერ მოწყობილ თავდასხმაზე პასუხისმგებლობა „ისლამურმა სახელმწიფომ“ აიღო, - ამის შესახებ ინფორმაციას Reuters - დაჯგუფების საინფორმაციო სააგენტოზე დაყრდნობით ავრცელებს.
ამასთან, სააგენტოს ცნობით, თავდასხმის შედეგად დაღუპულთა რაოდენობა 32-მდე გაიზარდა. შეგახსენებთ, გუშინ ბაღდადში ორმა თვითმკვლელმა ტერორისტმა თავი ალ-ტაიარანის მოედანზე, ხალხით სავსე ბაზარში აიფეთქა.