01:08
3 ივნისი, 2020, ოთხშაბათი
იტვირთება შემდეგი ვიდეო
მშობლები
დედის რძეში ანტიბაქტერიული ნივთიერებები აღმოაჩინეს - შეიცავს ფრაგმენტს, რომლის დახმარებით ორგანიზმი უმკლავდება სოკოვან, ბაქტერიულ და ვირუსულ ინფექციებს
29-12-2018

მეცნიერთა ჯგუფმა დიდი ბრიტანეთიდან რამდენიმე პრაქტიკული ექსპერიმენტის საფუძველზე დედის რძეში საინტერესო ანტიბაქტერიული ნივთიერებები აღმოაჩინა.

როგორც გაირკვა, დედის რძე, რომლითაც ჩვილი სიცოცხლის პირველ თვეებში იკვებება, საჭირო საკვები ნივთიერებების გარდა, ბაქტერიციდული მოქმედებით გამორჩეულ რამდენიმე ნივთიერებასაც შეიცავს, შესაბამისად, ახალშობილის იმუნური სისტემა ძლიერდება და ორგანიზმს იცავს ბაქტერიული და ვირუსული ინფექციებისაგან.

მეცნიერთა განცხადებით, დედის რძე აღნიშნულ მოქმედებას ჩვილის ორგანიზმზე პირველი ორი თვის განმავლობაში ახდენს. შესაბამისი კვლევებით დადგინდა, რომ რძეში შედის ცილა ლაქტორფერინი, რომელიც თავის შემადგენლობაში მოიცავს ფრაგმენტს, რომელიც განაპირობებს რძის სამკურნალო ეფექტს. სწორედ ამ ნივთიერების დახმარებით ორგანიზმი სენშეუვალი ხდება სოკოვანი, ბაქტერიული და ვირუსული ინფექციებისათვის.

ამ ეტაპზე კვლევები ჯერ კიდევ არ დასრულებულა, თუმცა, მეცნიერები დარწმუნებულნი არიან, რომ ცილა ლაქტორფერინის საფუძველზე შესაძლებელია ჩვილებისათვის განკუთვნილი სამკურნალო პრეპარატის შექმნა,რომლისგამოყენება შესაძლებელი იქნება ჩვილის სიცოცხლის ადრეულ ეტაპებზე, რაც მთავარია, პრეპარატს არ ექნება გვერდითი მოვლენები, რადგან ის მხოლოდ სამიზნე უჯრედებზე იმოქმედებს. ამგვარად, ეს იქნება ეფექტური და უსაფრთხო ანტიბიოტიკი ახალშობილებისთვის.

გააკეთე კომენტარი
FB კომენტარი
სხვა სიახლეები