თბილისის დროით 12:00 საათზე ევროპარლამენტში საქართველოსთვის ვიზალიბერალიზაციის მინიჭების საკითხზე პოლიტიკური დებატები დაიწყება. ამის შემდეგ კი უშუალოდ კენჭისყრაა დაგეგმილი. საქართველოს საკითხზე მომხსენებელი მარია გაბრიელი კოლეგებისგან მხარდაჭერას ელოდება. მისი ვარაუდით, პროცედურა ოფიციალურად გამოქვეყნებიდან 20 დღეში დასრულდება. გადაწყვეტილების მიღების შემთხვევაში, საქართველოს მოქალაქეებს ევროპაში გამგზავრება უვიზოდ მარტის ბოლოდან უნდა შეეძლოთ. კენჭისყრის პროცესს ევროპარლამენტში დაესწრება საქართველოს საპარლამენტო დელეგაციაც.