ბათუმში, სასტუმრო "ლეო გრანდში" გაჩენილი ხანძრის შედეგად, ბოლო ინფორმაციით, გარდაცვლილია 11 ადამიანი, - აღნიშნულ ინფორმაციას შინაგან საქმეთა სამინისტრო ავრცელებს."ამ ეტაპზე მიმდინარეობს მათი იდენტიფიცირება. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია მოახდინეს. მათ შორის არიან როგორც სტუმრები, ასევე სასტუმროს თანამშრომლები. სხვადასხვა სირთულის ინტოქსიკაციის გამო, სასტუმროში მყოფი ადამიანები გადაყვანილები არიან ბათუმის კლინიკებში. სასტუმრო "ლეო გრანდში" გაჩენილ ხანძართან დაკავშირებით მოქმედებს მართვის ცენტრი, რომელსაც საპატრულო პოლიციის დეპარტამენტის აჭარის მთავარი სამმართველოს უფროსი, ლევან მაისურაძე ხელმძღვანელობს. მოქალაქეებისთვის მოქმედებს ცხელი ხაზი: 595950925“, - ნათქვამია შსს-ს განცხადებაში.
ასევე იხილეთ: "მის საქართველოს" ყველა კონკურსანტი, რომელიც ხანძრის დროს სასტუმროში იმყოფებოდა, უსაფრთხოდაა
როგორ გამოიყურებოდა ხანძრამდე 40 მილიონი დოლარის ინვესტიციით აშენებული სასტუმრო "ლეო გრანდი"