04:32
6 ივლისი, 2022, ოთხშაბათი
იტვირთება შემდეგი ვიდეო
Webnews
გოგონამ „გრეის ანატომიის“ ყურებისას საკუთარ თავს იშვიათი დაავადების „დიაგნოზი დაუსვა“
20-05-2022

ისრაელში მცხოვრებმა ახალგაზრდა ქალმა, რომელიც წლების განმავლობაში იტანჯებოდა იშვიათი და დაუდგენელი დაავადებით, საკუთარი დიაგნოზი სერიალ „გრეის ანატომიის“ ერთ-ერთი ეპიზოდის ყურებისას ამოიცნო.
ემილი ლევი ამბობს, რომ ბავშვობიდან, უჩვეულოდ მოქნილი იყო, მუდმივად ვარჯიშობდა და ელასტიურობის გამო, ძალიან ნიჭიერად მიიჩნევდნენ.
15 წლის ასაკში მხარი ამოიგდო, რასაც მის ცხოვრებაში ხანგრძლივი და მტკივნეული პერიოდი მოჰყვა - ეს სახსრების მუდმივ დისლოკაციაში გამოიხატებოდა, განსაკუთრებით კი, მხრის მიდამოებში.
როგორც თავად იხსენებს, ხელის ტკივილი იმდენად აწუხებდა, რომ სკოლაში წერაც აღარ შეეძლო.
„არავინ იცოდა, რა მჭირდა, ზოგიერთს ეგონა, რომ ეს შესაძლოა ართრიტი ყოფილიყო, მაგრამ არაფერმა მიშველა. არცერთ ექიმს არ სმენოდა სახსრის დისლოკაციის ასეთი მაღალი სიხშირით განმეორებაზე და ზოგიერთმა არც კი დამიჯერა“, - ამბობს გოგო, რომელიც ახლა 22 წლისაა.
გაურკვევლობას წერტილი მხოლოდ მას შემდეგ დაესვა, რაც ამერიკული სამედიცინო სერიალის - „გრეის ანატომიის“ ყურება დაიყო.
„შოუს ერთ-ერთი ეპიზოდის დროს პირველად გავიგე ელერს-დანლოს სინდრომის შესახებ. მათ აღწერეს იმის იდენტური მდგომარეობა, რომელიც მე მქონდა. ჩავიტარე კვლევა და დავრწმუნდი, რომ სწორედ ეს სინდრომი მქონდა“, - ამბობს ლევი.
ელერს-დანლოს სინდრომი არის იშვიათი, თანდაყოლილი, შემაერთებელქსოვილოვანი დაავადება. ეს არის შემაერთებელი ქსოვილის წარმომქმნელი და გამაკონტროლირებელი გენის მუტაცია. ტიპიური სიმპტომებია მოქნილი ძვლები, პათოლოგიური კიფოზი, ბრტყელი ტერფი და ელასტიური კანი. ელერს-დანლოს სინდრომით დაავადებულ ბავშვებს ჩვეულებრივ ძალიან მოქნილი სახსრები აქვთ. ზოგს უვითარდება პატარა, მკვრივი კოპების მაგვარი წარმონაქმნები კანქვეშ. გულმკერდის დეფორმაცია, კიფოზი და კიფოსქოლიოზიც ხშირია. მოზრდილების უმეტესობას აქვს ბრტყელი ტერფი. უმცირესმა დაზიანებამ შეიძლება გამოიწვიოს ჭრილობა. ეს ჭრილობები ძირითადად არ არის ძალიან სისხლმდენი, მაგრამ ტოვებენ ნაწიბურებს. იშვიათ შემთხვევაში პაციენტებს უვითარდებათ შედედების დეფექტი, ამიტომ ჭრილობის დროს სისხლის გაჩერება ძალიან რთულია. ხშირია მუცლის ღრუს თიაქარი, დივერტიკულები, ნაწლავებში სისხლდენები, ზოგჯერ გულის სარქვლის პრობლემები.

AutoPlay
სიდნეიში ნახევარ მილიონამდე ადამიანმა ევაკუაციის შესახებ მიიღო შეტყობინება
გამოქვეყნდა 18 საათის წინ
მასთან თანამშრომლობით ვამაყობთ — Warner Bros.-მა როულინგს მხარი დაუჭირა
გამოქვეყნდა 18 საათის წინ
რიანა მშობიარობის შემდეგ საზოგადოებაში პირველად გამოჩნდა
გამოქვეყნდა 18 საათის წინ
მეცნიერებმა დედამიწისგან ყველაზე შორს არსებული გალაქტიკა დააფიქსირეს
გამოქვეყნდა 18 საათის წინ
დღეს შედგება ცოტნე ზედგინიძის პირველი საორკესტრო ქმნილების პრემიერა
გამოქვეყნდა 18 საათის წინ
თუ ვენეციის დასათვალიერებლად დღიურ გადასახადს არ გადაიხდით, 300 დოლარით დაჯარიმდებით
გამოქვეყნდა 18 საათის წინ
გააკეთე კომენტარი
FB კომენტარი
სხვა სიახლეები