03:06
28 სექტემბერი, 2020, ორშაბათი
იტვირთება შემდეგი ვიდეო
საღამოს NEWSROOM
ინფორმაცია მშობლებისთვის - 14 წლამდე ბავშვების სათამაშოები რეგულაციებს დაექვემდებარებიან
23-01-2020

14 წლამდე ასაკის ბავშვის სათამაშოები ზედამხედველობას დაექვემდებარება. ამის შესახებ მთავრობის მიერ დამტკიცებულ „სათამაშოების უსაფრთხოების შესახებ ტექნიკური რეგლამენტშია“ აღნიშნული.

დოკუმენტის თანახმად, რეგლამენტი ადგენს სათამაშოების უსაფრთხოების წესებს. ტექნიკური რეგლამენტი ვრცელდება პროდუქტებზე, რომლებიც, დაპროექტებულია ან განკუთვნილია 14 წლამდე ასაკის ბავშვების მიერ სათამაშოდ გამოყენებისათვის, მიუხედავად იმისა, ეს სათამაშო დაპროექტებულია ან განკუთვნილია მხოლოდ სათამაშოდ გამოყენებისთვის თუ არა.

სათამაშოების უსაფრთხოებაზე ზედამხედველობას - ზედამხედველობის ორგანო განახორციელებს, რომელიც უფლებამოსილი იქნება შეამოწმოს საქართველოს ბაზარზე განთავსებული სათამაშოების შესაბამისობა ამ ტექნიკური რეგლამენტის მოთხოვნებთან და გასცეს შესაბამისი რეკომენდაციები სათამაშოების შესაბამისობაში მოსაყვანად.

„შესაბამისი ეკონომიკური ოპერატორი ვალდებულია, ითანამშრომლოს ბაზარზე ზედამხედველობის ორგანოსთან და უზრუნველყოს ბაზარზე ზედამხედველობის ორგანოს წარმომადგენლის დაშვება პროდუქტის რეალიზაციის ადგილებში, ასევე, მოთხოვნის შემთხვევაში, მიაწოდოს მას პროდუქტის შესაბამისობის დასადგენად აუცილებელი ინფორმაცია და დოკუმენტები,“-აღნიშნულია რეგლამენტში.

გააკეთე კომენტარი
FB კომენტარი
სხვა სიახლეები