უამრავი მითი და ლეგენდა არსებობს პლანეტის ყველაზე საშიშ და დაუნდობელ პირანიაზე, რასაც კიდევ უფრო ამძაფრებენ საშინელებათა ფილმები, რომლებიც ამაზონის სისხლისმსმელ ბინადარს ნამდვილ კაციჭამია მონსტრად ახასიათებენ. გადმოცემის თანახმად, სახელი პირანიამ გუარანის ტომის ინდიელთა წყალობით შეიძინა, რომელთაც სიტყვებით "პირას" და "ანიას" გაერთიანებით მტაცებელს ბოროტი თევზი უწოდეს. თუმცა, იქტიოლოგები ხშირად პირანიას ხშირად "მდინარის აფთრად" ან "ბასრკბილებიან დემონადაც" მოიხსენიებენ, რადგან მცირეგაბარიტების მიუხედავად ქარავანში გაერთიანებულ მტაცებელს, ნებისმიერი, ბევრად მასიური მსხვერპლის განადგურებაც რამდენიმე წუთში შეუძლია.