განათლების მინისტრის მიხეილ ბატიაშვილის განცხადებით, განათლების სამინისტრო ოკუპირებულ ტერიტორიებზე მცხოვრები აბიტურიენტებისთვის ახორციელებს პროგრამას, რომელიც ეხება უნივერსიტეტში ჩარიცხვამდე მოსამზადებელ პერიოდს და ის მთლიანად სახელმწიფოს მიერ ფინანსდება.როგორც ბატიაშვილმა „პალიტრანიუსის“ გადაცემაში „360 გრადუსი“ განაცხადა, აბიტურიენტები ცოდნის მიღებასთან ერთად, სხვა ყველა საჭირო პირობებით იქნებიან უზრუნველყოფილები. მინისტრის თქმით, „ეს არის მნიშვნელოვანი გზავნილი იქ მცხოვრები მოსახლეობისთვისაც, რომ საქართველოს სახელწმიფო ყველა მის მოქალაქეზე ზრუნავს“„გარდა იმისა რომ ამ პერიოდში მთლიანად სწავლის საფასური ფინანსდება, ასევე ფინანსდება ხარჯები, რომელიც მათ ცხოვრებას, კვებას და ა.შ. უკავშირდება. ასევე ყველა ის აბიტურიენტი, რომელიც სახელმწიფო უნივერსიტეში მოხვდება - ყველას სწავლა იქნება დაფინანსებული. ეს არის ძალიან მნიშვნელოვანი მხარდაჭერა. მახსოვს, ზარები, მოწერა, როდესაც ეს გადაწყვეტილება მივიღეთ - ყველა ბავშვი იქნება დაფინანსებული, ყველა ბავშვი ჩაირიცხება. ამას გალიდან ძალიან პოზიტიური გამოხმაურება ჰქონდა, იმიტომ, რომ ყველა ბავშვის და მშობლის მიერ საზღვრის გადმოლახვა გმირობის ტოლფასთან იყო დაკავშირებული. ვფიქრობთ, რომ სახელმწიფოს გააჩნია მნიშვნელოვანი ვალდებულება, იზრუნოს ამ აბიტურიენტებზე, როგორც სწავლის კუთხით, ასევე ყველა იმ პირობის დაკმაყოფილება, რომელიც სწავლის გადასახადს უკავშირდება. სპეციალური მოსამზადებელი პროგრამა,რომელიც რეალურად ამისთვის გვაქვს, გულისხმობს სწორედ ასეთი აბიტურიენტების მომზადებას. გარდა სწავლის, ცოდნის მიცემისა, ყველანაირი პირობებით ვუზრუნველვყოფთ. ანუ ფაქტობრივად ეს ბოლო წელი, რომელიც მათთვის არის, მართლაც კარგი საშუალებაა იმისათვის, რომ რაც შეიძლება მეტი ცოდნა მიიღონ უნივერსიტეში ჩარიცხვამდე. ცოდნის მიღებასთან ერთად, ყველანაირი პირობებით ვუზრუნველყოფთ. ვფიქრობთ, რომ ეს პროგრამა მომავალ წელს კიდევ უფრო გავაფართოვოთ“, - განაცხადა ბატიაშვიოლმა.