„ევროპული საქართველოს“ ერთ-ერთი ლიდერი ოთარ კახიძე რეგიონების ოლქებში მაჟორიტარი კანდიდატების დამოუკიდებლად წარდგენის შესახებ „ნაციონალური მოძრაობის“ მიდგომას არაპრაგმატულს უწოდებს.
როგორც კახიძემ „პალიტრანიუსის“ გადაცემა „ნიუსრუმში“ განაცხადა, ოპოზიციური პარტიების მთავარი მიზანი არა საკუთარი ვიწროპარტიული ინტერესები, არამედ გაერთიანებული ძალებით ხელისუფლების შეცვლა უნდა იყოს.
კახიძემ იმედი გამოთქვა, რომ „ნაციონალური მოძრაობა“ ივანიშვილის მოშორების ინტერესებზე წინ მეტი მანდატის მოპოვებასთან დაკავშირებულ სიხარბეს არ დააყენებს.