კბილებისა და ღრძილების ჯანმრთელობა მჭიდრო კავშირშია პირის ღრუს ჰიგიენასთან.
პროფილაქტიკური სტომატოლოგიის მიზანი პირის ღრუს დაავადებების პროფილაქტიკაა. იმისათვის, რომ შევინარჩუნოთ ჯანმრთელი და ლამაზი კბილები მნიშვნელოვანია პირის ღრუს სწორი მოვლა.
კბილის სწორად გახეხვის დროსაც კი კბილებზე რჩება ადგილები რომელიც არ იწმინდება ჯაგრისით და ასეთ შემთხვევაში ამ ადგილებში რჩება რბილი კონსისტენციის - ნადები. კბილის ნადების ხელსაყრელი მიდამო არის კბილთაშუა ნაპრალები, კბილის ყელის მიდამო და საღეჭი ზედაპირები. სწორედ ამ ადგილებს უნდა მიექცეს განსაკუთრებული ყურადღება.
იმ შემთხვევაში თუ კბილის ზედაპირიდან არ მოხდა ნადების მოცილება, ნადების შემადგენლობაში არსებული მჟავა მოახდენს კბილის დემინერალიზაციას და გარკვეულ პერიოდში ამ ადგილას გაჩნდება კარიესი.