ბოლო დღეებში ხახვის მწარმოებელ ქვეყნებში პროდუქციაზე ფასი არაპროგნოზირებადი გახდა. განსაკუთრებით ხახვის იმ სახეობებზე, რომლის გრძელვადიან პერიოდში შენახვა არ შეიძლება. East-Fruit-ის ინფორმაციით, ფერმერები იძულებულები გახდნენ, რომ ფასები შეემცირებინათ. რეგიონში საქართველო აღმოჩნდა ერთადერთი ქვეყანა, სადაც ხახვი გაძვირდა. კერძოდ, საქართველოში ფასმა ერთ კილოგრამზე 24 ცენტიდან 27 ცენტამდე მოიმატა. ფასები არ შეცვლილა უკრაინასა და მოლდოვაში. პოლონეთში ხახვი 37 ცენტიდან 33 ცენტამდე, ბელარუსში კი 26 ცენტიდან 19 ცენტამდე შემცირდა.