16:22
6 ივნისი, 2020, შაბათი
იტვირთება შემდეგი ვიდეო
ეკონომიკა
როგორ შეიცვალა ივანიშვილის ქონება ბოლო ერთ კვირაში
11-05-2020

ფრანგული კომპანია Louis Vuitton-ის ხელმძღვანელმა ბერნარ არნომ კორონავირუსის შედეგად, 30 მილიარდი დოლარი დაკარგა.

ამის შესახებ „ბლუმბერგი“ იუწყება. გამოცემის ცნობით, ეს არის მაქსიმალური თანხა, რომელიც ერთმა ადამიანმა დაკარგა. არნო „ბლუმბერგის“ მილიარდერთა რეიტინგში მე-4 პოზიციაზეა.

ახალი კორონავირუსის გამო, ბოლო პერიოდის განმავლობაში მცირდება ქართველი მილიარდერის ბიძინა ივანიშვილის ქონებაც, რომელიც „ბლუმბერგის“ მილიარდერთა რეიტინგში საქართველოდან ერთადერთია.

კერძოდ, 30 აპრილის მდგომარეობით ივანიშვილის ქონება 5 მილიარდ 200 მილიონ დოლარად იყო შეფასებული; 7 მაისის მონაცემებით კი - 5 მილიარდ 170 მილიონი დოლარია. შესაბამისად, ბოლო 1 კვირის განმავლობაში მისი ქონება 30 მილიონი დოლარით არის შემცირებული.

აღსანიშნავია, რომ მილიარდერების ინდექსის თანახმად, ივანიშვილის ქონება ყველაზე მაღალი - 2013 წელს იყო, როცა 6 მილიარდ 400 მილიონ დოლარს შეადგენდა.

გააკეთე კომენტარი
FB კომენტარი
სხვა სიახლეები