00:29
4 ივნისი, 2020, ხუთშაბათი
იტვირთება შემდეგი ვიდეო
მშობლები
რომელ წლამდე არ უნდა აჭამოთ ტორტი ბავშვს? - ის კულინარიული შედევრიცაა და მაცდუნებელიც, თუმცა შხამსა და ჯანმრთელობის დამანგრეველს უწოდებენ
09-01-2019

ტორტი და ნამცხვარი ბავშვების სადღესასწაულო დღეების განუყოფელი ნაწილია. თანამედროვე კონდიტერები ყველაფერს აკეთებენ იმისთვის, რომ ტორტი კულინარიული შედევრიც იყოს და ბავშვის მაცდუნებელიც.

სამაგიეროდ, ჯანსაღი კვების მოყვარულები მათ "ბისკვიტოვან შემოქმედებას" შხამსა და ბავშვის ჯანმრთელობის დამანგრეველს უწოდებენ. სამწუხაროდ, ამაში სიმართლის მარცვალი ნამდვილად არის.

პედიატრების რჩევით, სამ წლამდე ასაკის ბავშვს ტორტი არ უნდა აჭამოთ. სამი წლის შემდეგაც - შეზღუდული რაოდენობით და არა ყველა სახეობა.

თვით ტორტები ნაკლებად არიან დამნაშავენი ბავშვების სხვადასხვა დაავადებაში. უბრალოდ,
მისი ჭამისას ზომიერების დაცვაა საჭირო. იმის გათვალისწინებით, რომ დიდი რაოდენობით შაქარს, კვერცხს, საკონდიტრო საღებავებს, შემასქელებლებს და არომატიზატორებს შეიცას, ბავშვებს შეზღუდული რაოდენობით უნდა მისცეთ, ერთი საშუალო ზომის ნაჭერი სავსებით საკმარისია. ამ დროს სასურველი არ არის, რომ ზედ ტკბილი და მით უმეტეს, გაზანი სასმელი მიაყოლოს.

თუმცა, ისიც უნდა აღინიშნოს, რომ რაოდენ მავნებელიც არ უნდა იყოს, ზოგადად ტკბილეულზე საბოლოო უარის თქმა არ შეიძლება. შაქრის ორგანიზმში მოხვედრა იწვევს ჰორმონ სეროტონინის გამომუშავებას, რასაც ბედნიერების ჰორმონს უწოდებენ. ის ბავშვს განწყობას უმაღლებს, თავდაჯერებულობას მატებს და თვითშეფასებასაც უძლიერებს. უბრალოდ, ყველაფერში ზომიერების დაცვაა საჭირო.

გააკეთე კომენტარი
FB კომენტარი
სხვა სიახლეები