საგადასახადო კოდექსში შესული ცვლილებების მიხედვით, სამსახურებრივი ავტომობილების გამოყენება დაიბეგრება. კანონი ძალაში 2019 წლის 1-ელი სექტემბრიდან შევა. თანხის მოცულობა ავტომობილის ძრავის მოცულობაზე იქნება დამოკიდებული და 60 ლარიდან 300 ლარამდე განისაზღვრება.
კოდექსის მიხედვით, დაქირავებულის მიერ დამქირავებლის ავტომობილის პირადი სარგებლობისათვის გამოყენებით მიღებული სარგებელი ხელფასად მიიჩნევა და საშემოსავლო გადასახადით იბეგრება. ცნობისთვის ახალი წესი ელექტრომობილებს არ შეეხება.