17:43
1 ივნისი, 2020, ორშაბათი
იტვირთება შემდეგი ვიდეო
მშობლები
შეიძლება თუ არა პურის შენახვა მაცივარში და რა წესები უნდა დაიცვათ: თუ პარკში დოლბანდში გამოკრულ მწიკვ მარილს ჩადებთ...
06-02-2019

არსებობს მოსაზრება, რომ ზაფხულის ცხელ დღეებში მაცივარი პურის შესანახად იდეალური ადგილია. პური ყველაზე უკეთ ინარჩუნებს სასარგებლო თვისებებს, როცა ოთახში ტემპერატურა 15-25°С-ია და ჰაერის ტენიანობა - არა უმეტეს 75%. თუმცა, როგორც ამ საკითხში კომპეტენტური ადამიანები ამბობენ, სიცხეში ნამდვილად შეიძლება მაცივარში პურის შენახვა, ოღონდ აუცილებლად გარკვეული წესების გათვალისწინებით.


უპირველესად, სწორად უნდა შეარჩიოთ შესაფუთი მასალა:

პოლიეთილენის პაკეტი პურის მხოლოდ ერთჯერადი შენახვისთვის გამოდგება. ამასთანავე, აუცილებელია ასეთი მასალისგან დამზადებულ პარკს ჭრილი გაუკეთოთ (მაგ., ნემსით), რათა პოლიეთილენის პარკში არ დაგროვდეს კონდენსატი. თუმცა, თუ პურის საყინულეში მოთავსებას აპირებთ, შეფუთვა სრულად ჰერმეტული უნდა იყოს. გარდა ამისა, პურის შესანახად აუცილებლად პოლიეთილენის ახალი პაკეტი გამოიყენეთ.

ქაღალდის პაკეტი პურის შესაფუთად იდეალური მასალაა, რადგან არ „იკიდებს“ მაცივარში მოთავსებული პროდუქტების სუნს, კარგად ინარჩუნებს პროდუქტის ბუნებრივ ტენიანობას და ამის წყალობით პური დიდხანს არ ხმება.

ქსოვილის ტომარაც საუკეთესო საშუალებაა მაცივარში პურის შესანახად. დღეს უკვე ბევრგან იყიდება პურის შესანახი სპეციალური ტომრები, რომლებიც სამფენოვანი ქსოვილისგანაა შეკერილი. ასეთი სტრუქტურის წყალობით პროდუქტი დაცულია გახმობისგან, ობის სოკოს გაჩენისა და „სუნისგან“.

ფოლგა საუკეთესო ვარიანტია იმ შემთხვევაში, თუ პურს საყინულეში ინახავთ.

გახსოვდეთ,რომ: მაცივარში პური ქვედა თაროზე ან საყინულეში უნდა შეინახოთ. ყველაზე შეუფერებელი ადგილია ზედა და გვერდითა თაროები. მაცივრის ქვედა თაროზე პური 14 დღე ინახება. საყინულეში კი - მთელი თვით, თუმცა თხელ ნაჭრებად დაჭრილი და პოლიეთილენის პაკეტში ან ფოლგაში შეფუთული.

გაითვალისწინეთ, რომ ჭვავის პური ხორბლის პურისგან განცალკევებით უნდა შეინახოთ, რადგან ჭვავის პურის ტენიანობა უფრო მაღალია და, შესაბამისად, უფრო სწრაფად ობდება. მაცივარში ნუ შეინახავთ ახალ პურს, სანამ ის ჯერ კიდევ თბილია. დაელოდეთ გაცივებას.
სიცივეში ყველაზე კარგად ხორბლის პროდუქცია ინახება, ჭვავისა კი - ნაკლებად.

მაცივრიდან გამოღების შემდეგ პური რბილი რჩება ერთი დღის განმავლობაში, საყინულიდან გამოღებული კი - რამდენიმე საათი.

თუ მაცივარში მოთავსებულ პურის პარკში დოლბანდში გამოკრულ მწიკვ მარილს ჩადებთ, უფრო მეტი გარანტია გექნებათ, რომ პური არ დატენიანდება.

დაძველებულ პურს შეიძლება ობი მოეკიდოს, მაგრამ რბილობი წებოვანი არ უნდა გახდეს. პურის წებოვნება მის დასნებოვნებაზე მიუთითებს!

გააკეთე კომენტარი
FB კომენტარი
სხვა სიახლეები