სვანეთში სტარტი აიღო საქართველოს თასის გათამაშებამ სამთო-სათხილაურო სპორტში. შეჯიბრების პირველი ეტაპი, რომელსაც ჰაწვალმა უმასპინძლა, კალენდრის მიხედვით დეკემბერში უნდა გამართულიყო, თუმცა უთოვლობის გამო იანვრის ბოლოსკენ გადაიწია. ასპარეზობა ორდღიანი იყო და მასში მონაწილეეობა 60 მდე სპორტსმენმა მიიღო. სამ ასაკობრივ ჯგუფში მოასპარეზე გოგონებმა და ვაჟებმა საუკეთესო შედეგები სლალომსა და გიგნატურ სლალომში გამოავლინეს.საქართველოს თასის გათამაშების მომდევნო ორ ეტაპს გუდაური უმასპინძლებს, შეჯიბრებები 7-8 და 21-22 მარტისთვისაა ჩანიშნული. სპორტული სეზონი ისევ სვანეთში, 10-11 აპრილს, ბოლო, მეოთხე ეტაპით დაიხურება.